6 здрави масни намирници кои се задолжителни во исхраната

од Elena Daskalova

Нутриционистите многупати го демантираа верувањето дека ако сакаме да ослабнеме, од исхраната треба да ги исклучиме сите масти.

Мастите се една од клучните хранливи состојки, а постојат одредени намирници кои никако не треба да ги исклучувате, туку напротив, да бидат дел од вашата секојдневна исхрана.

Еве кои се тие:

Овесна каша

Овесната каша подготвена со вода содржи 7% здрави масти, кои уште на стартот на денот ќе му помогнат на телото правилно да функционира и да не троши резерви од енергијата. Овесот содржи важни масни киселини кои телото не може да ги синтетизира самото, па затоа и треба да ги внесуваме пркеу исхраната.

Авокадо

Авокадото е вистина дека е калорично, а тоа е затоа што во најголем процент во составот е растителна маст, со застапеност од околу 30%. Иако е доста калорично, не би требало да се откажете од него, напротив, авокадото покрај мастите, содржи и други хрналиви состојки кои се важни за вашето здравје. Тоа докажано помага во забрзување на метаболизмот, ја хидрира кожата и го намалува крвниот притисок.

Темно чоколадо

Чоколадото со висока концентрација на какао, покрај што стимулира лачење на допамин и серотонин, исто е и извор на незаситени масни киселини. Важно е само да не го консумирате во преголеми количини, доволни се само неколку коцки, за да ги задоволите потребите од здрави масти, но и магнезиум, калциум, калиум и витамин Б.

Јајца

Едно јајце содржи околу 10% масти и здрави масни киселини. Исто така содржи и холестерол, но поради целокупната комбинација на хранливи состојки и незаситени масни киселини, тој не се задржува долго во телото.

Семки од тиква

Тие се најдобриот извор на омега 3 од растително потекло. Исто, содржат и магнезиум, а и помагаат во побрзо прочистување на цревата. Препорачливо е да се јадат непечени.

Ореви

Оревите се полни со растителни влакна, здрави масти и минимална количина јаглехидрати. Меѓу јатките, тие се најздравиот избор. Богати се и со антиоксиданси, а доволни се само 3-4 ореви во денот за веќе да ги имате примено сите нивни хранливи материи во дневните препорачани количини. Редовното консумирање ореви помага при срцеви заболувања и дијабетес тип 2.

Слични содржини