Првиот опозиционер Зоран Заев, денеска преку Фејсбук упати повик до сите граѓани на Република Македонија кои живеат и работат во странство и кои сакаат да помогнат за фер и демократски избори, да се пријават за нивни набљудувачи во избирачките одбори во дипломатско конзуларните претставништва или конзуларните канцеларии на Република Македонија во странство.
“Помогни и на Македонија да има фер и демократски избори! Помогни им на сите нејзини граѓани да знаат дека тајноста на гласањето е гарантирана и дека законот важи за сите.
Ги повикуваме сите граѓани на Република Македонија кои живеат и работат во странство, кои сакаат да помогнат за фер и демократски избори, да се пријават за наши набљудувачи во избирачките одбори во дипломатско конзуларните претставништва или конзуларните канцеларии на Република Македонија во странство.
За да се пријавите потребно е да ги испратите вашите контакт податоци (име и презиме, адреса, телефон и е-mail за контакт) на следниот e-mail: [email protected] најдоцна до 23.10.2016 година. Потенцирајте во кое ДКП можете да учествувате како набљудувач (во прилог е списокот на сите ДКП каде ќе се реализира гласањето во странство).
Секој наш граѓанин посакува Македонија да стане подобра. Да го направиме тоа заедно!”-пишува Заев на ФБ