Абазовиќ: Ќе го поканам српскиот премиер во Црна Гора штом биде избран

Црногорскиот премиер Дритан Абазовиќ изјави дека ќе го покани новиот премиер на Србија, штом биде избран, официјално да ја посети Црна Гора и најави дека наскоро ќе биде именуван нов црногорски амбасадор во Србија.

Абазовиќ за ТВ Прва изјави дека е важно да се заврши Основниот договор со Српската православна црква.

„Важно е да го завршиме Основниот договор со СПЦ, треба да добиеме текст сличен на оној со другите верски заедници, мислам дека едногласно ќе го усвоиме. Доколку некој од нашите колеги не сака да се придржува до принципи на правда и еднаквост, објаснете им го тоа на граѓаните“, изјави Абазовиќ, пренесе ЦДМ.