Нов случај на починато лице на американските улици уште еднаш ги разбранува духовите во афро-американската заедница, која постојано се жали на теророт на полицијата против нив.
Џорџ Флојд, 46-годишник од Минеаполис, починал во болница, откако претходно полициската интервенција била снимена од случаен минувач, а неговото семејство тврди дека тие дејствувале нехумано со прекумерна употреба на сила. Флојд работел како чувар и колегите тврдат дека тој бил „нежен џин“.
Портпаролот на полицијата изјавил дека полицијата била повикана за пијанство и дека Флојд се спротивставил на апсењето. Но, Си-Ен-Ен објави дека четворицата полицајци вклучени во инцидентот веднаш биле отпуштени од работа.
Но, што точно се случило? На снимките се гледа како полицаец клекнува на Флојд и го притиска коленото на вратот. И, иако тој се жали неколку минути на основа дека не може да дише, полицаецот му рекол да биде смирен. Друг полицаец ги задржал минувачите на оддалеченост кои предупредувале 46-годишникот не се движи.
„Тој не се движи, не дише, почувствувајте му го пулсот“, повторил еден минувач.
По некое време, пристигнала брза помош за да го земе човекот и да го пренесе во болницата, каде што подоцна починал.
MORE: Video obtained by CBS News shows what appears to be the start of the confrontation between George Floyd & Minneapolis police officers. A restaurant's security footage shows cops taking him into custody, but the restaurant owner says it does not show Floyd resisting arrest. pic.twitter.com/KR8r7B1WPl
— CBS Evening News (@CBSEveningNews) May 26, 2020
Началникот на полицијата во Минеаполис најави федерална истрага, а граѓаните положиле цвеќе на местото на инцидентот во вторникот.
Вчера вечерта, пред полициската станица во Минеаполис полицајците морале да користат солзавец за да ги растераат масовните протести заради смртта на Флојд.