Агуеро подготвен да ја намали платата за да игра со Меси

од Stefanija Kuzmanovska

Барселона започна преговори со Серхио Агуеро, кој според информациите на упатените, треба да биде новото засилување на каталонскиот клуб.

Не е тајна дека Агуеро е голема желба на Барса, која сака да се засили со слободни играчи ова лето, а една од желбите беше напаѓачот на Сити, чиј договор истекува и кој дефинитивно нема да ја продолжи соработката со граѓаните.

Според Sky Sport, Агуеро и Барса веќе започнале преговори. Исто така, фудбалскиот инсајдер, Фабрицио Романо, наведува дека Агуеро е подготвен да ги намали своите приходи додека игра во Барселона, секако, со желба да игра со неговиот голем пријател и соиграч од националниот тим, Лионел Меси.

Сепак, тој наведува дека сè уште нема официјален договор и дека за Агуеро, Депај и другите трансфер цели ќе биде решено дури по крајот на сезоната.

Слични содржини