Ахмети: Договор не е постигнат, колку сме блиску, толку сме и далеку во преговорите

Лидерот на ДУИ, Али Ахмети после средбата со претседателот на СДСМ, Зоран Заев изјавил договор не е постигнат и се надеваат дека таков договор е можен затоа што државата не треба да остане без извршна власт.

„Државен интерес е да се продолжи партерството кое затвори многу значајни теми – членство во НАТО и почеток на преговорите со ЕУ. Очекуваме позитивен епилог од овие разговори. Ние инвестираме прашањата да одат во добра насока. Колку сме блиску, толку сме и далеку во преговорите со СДСМ“, изјавил Ахмети и најавил дека е оптимист и дека преговорите ќе продолжат.