Експерти се занимавале со тоа како можете да бидете позадоволни додека работите надвор од канцеларијата, па во продолжение следуваат нвните пет совети:
Правило број 1: Пуштете ја светлината во станот
Приливот на сонце предизвикува лачење на серотонин, хормонот на среќата, така што врската помеѓу природната светлина и расположението е научно докажана. Тоа им помага на луѓето да се релаксираат и да се фокусираат.
Правило број 2: Намалете ја бучавата
Научниците тврдат дека нашиот мозок постојано се обидува да препознае разни звуци и промени од околината, што може да влијае на работата, односно може да не деконцентрира. Стресниот звук предизвикува област на мозокот наречена амигдала да испраќа сигнали. Нив ги собира друга област на мозокот, хипоталамусот, што пак ги стимулира надбубрежните жлезди да пумпаат адреналин во крвта.
Правило број 3: Ослободете се од вишокот
Не, ова не се однесува на вашите килограми, туку на работите кои ви „пречат“ во работниот простор. Кога просторијата е преполна, тоа може да биде прилично демотивирачки. Всушност, не случајно канцелариите денес се организираат едноставно: чиста работна маса, растение и лаптоп се се што ви треба.
Правило број 4: Направете пауза, вежбајте
Дома сте, никој не ве гледа, никому не пречите. Направете 5-минутна пауза за истегнување најмалку двапати во текот на работниот ден.
Правило број 5: Не ја потценувајте моќта на растенијата
Постојат многу научни докази дека светлината, но и природната средина, односно, зеленилото – влијаат на нашиот мозок и работа. Доаѓа до намалување на крвниот притисок, вознемиреноста, стресот и „вртењето“ на истите мисли низ глава. Во исто време, опкруженоста со растенија ви помага да спиете подобро и да бидете пофокусирани.