Грчкиот заменик министер за развој и инвестиции Никос Папатанасис ги откри правилата кои ќе треба да ги почитуваат кафулињата, баровите и рестораните кога повторно ќе се отворат од 25 мај.
На сите овие објекти им е дозволено да продолжат да работат под одредени услови, без оглед дали е отворен или затворен простор.
Според грчките медиуми, посебни правила за кафулиња, барови и ресторани се:
– Растојанието помеѓу клиентите мора да биде 2 квадратни метри
– Минималното растојание помеѓу масите мора да биде од 0,7 до 1,7 метри
– Максималниот број на лица на кои им е дозволено да седат на масата е шест. Нема ограничување во случај на семејство со малолетни деца.
– Персоналот мора да носи маски и ракавици, додека препораката важи и за гостите на ресторани, барови или кафулиња
Грчката влада одлучи да отвори кафулиња, барови и ресторани една недела порано од планираното, врз основа на она што го кажаа експертите.