Актерот од популарната серија The Walking Dead, Даниел Њумен, откри дека бил во контакт со личност заразена со коронавирусот и дека веднаш по тоа сознание одлучил да се тестира.
На својот Инстаграм профил рекол дека болницата во која отишол му наплатила 9.000 долари за тестирањето, но дека резултатите од тестот не ги добил.
„Бев во Австралија каде имав контакт со заразени личности. Наскоро започнав да развивам симптоми“, рекол и додал дека веднаш отишол во болница во САД.
„Откако се тестирав и тоа го платив многу скапо, ми рекоа дека владата не дозволува обработување на резултатите на моите тестови бидејќи имам благи симптоми. Ми рекоа дека не се подготвени и дека обработуваат тестови на луѓе со тешки симптоми, тестови на постарите лица и оние кои биле во странство“, рекол актерот.
Тој открил дека истото им било кажано на голем број други лица кои дошле да се тестираат и дека на сите им е наложено да се придржуваат до самоизолацијата.
„Зошто по скоро три месеци од појавата на коронавирусот во САД се уште нема доволен број на потребните тестови, маски, средства за дезинфекција и тоалет?“, ја споделил својата грижа актерот.
Њуман ги повикал обожавателите на внимателност и придржување до упатствата за заштита од заразата.
„Младите не се имуни, илјадници луѓе умираат ширум светот“, напишал.
„Бидете сигурни, мијте ги рацете, држете дистанца и останете дома“, додал.