Давид Алаба со капитенската лента ја предводеше Австрија до триумф (3:1) против Северна Македонија, на првиот натпревар од групата Ц на Европското првенство. Поранешниот ас на Баерн, а неодамна и Реал Мадрид беше прогласен за играч на натпреварот, кој Австријците го добија во нивна корист во самиот финиш. Тој му асистираше на Сабикер за водство од 2-1 во 78-та минута. Како играше, покажува тоа дека неговите 92 од 96 додавања биле прецизни.
– Неверојатно важна победа. Имавме повеќе топка во посед, сторивме сè за да стигнеме до триумф. Имам впечаток дека сакавме повеќе, не се предадовме и на крајот се исплатеше – рече Алаба и додаде:
– Претходно, ние не го започнавме добро ЕП 2016. Сега ситуацијата е поинаква. Имаме тим со многу потенцијал. Видовте дека два гола постигнаа момците, кои влегоа од клупата. Тоа е многу важно за нас. Ние сме во одлична група, верувам дека можеме далеку, оптимист е тој.
Следниот натпревар во групата Австрија го игра против Холандија во четврток од 21 часот.