Албански политичар: Со потпишаните договори, Рама ја става Албанија под српска економска доминација

од Nikola Popovski

Претставникот на движењето Самоопределување во Албанија, Бојкен Абази, го критикуваше учеството на премиерот Еди Рама на Форумот за регионална соработка во Скопје.

На форумот присуствуваа претседателот на Србија, Александар Вучиќ и домаќинот, премиерот Зоран Заев.

Тој рече дека Рама работи во согласност со експанзионистичките планови на Србија.

Тој додаде дека историјата на Рама ќе биде запаметена како српски соработник, поради потпишаните договори за регионална соработка на Форумот.

„Со овие договори, Рама ја става Албанија под економска доминација на Србија, дополнително осиромашувајќи ја земјата“, наведува Абази, меѓу другото, во објавата на Фејсбук.

Тој иронично посочи дека не може да се избере подобар датум од 29 јули и потсети дека Лондонската мировна конференција се одржа на денешен ден во 1913 година, кога, како што наведе, била донесена одлука за признавање на независна Албанија без 40% од нејзината територија под притисок на Србија и Грција.

Според него, со потпишувањето на договорот, Рама го повреди Косово и целата нација.

„Не знаеме кој му го предложи на Рама датумот од 29 јули, но тој не можеше да најде позначаен датум“, заклучи Абази.

Слични содржини