Тренерот на Јувентус, Масимилијано Алегри, повеќе внимание посвети на разделбата со Џорџо Киелини и Пауло Дибала отколку на натпреварот со Лацио (2:2). Јувентус на овој натпревар не го покажа најдоброто од себе и пропушти предност од два гола за да се задоволи само со бод на крајот. Тренерот им даде шанса на дел од младите играчи во клубот.
По мечот, сепак, голема тема не беше претставувањето на тимот, туку збогувањето со двете икони на „бјанконерите“.
„Тоа беше спектакуларна вечер полна со емоции. Тоа беше вечер на Дибала и Киелини. Киелини нè напушта. Тој им даде толку многу на италијанскиот и европскиот фудбал во однос на страста и љубовта кон својата професија. Мислам дека секоја академија треба да гледа видеа со Киелини за да научи како да игра одбрана. На лично ниво тој ми даде толку многу. Кога првпат дојдов овде, тој, Буфон, Барзали, Бонучи и Маркизио ми помогнаа да разберам што значи Јувентус. Пауло беше важен играч за тимот во последните седум години. Чувствувам дека порасна со моја помош пред мои очи. Заслужи место во тимот и навивачите заслужено му ја дадоа љубовта што ја заслужува. Му даде многу на Јувентус со својата страст и класа“, изјави Алегри. .
Двајцата играчи реагираа сосема поинаку по натпреварот. Киелини постојано се смешкаше додека Дибала беше прилично вознемирен и не ги криеше солзите.
„Не се работи за тоа дали си подготвен за овој чекор или не. Тоа се само емоции. Можеби и Џорџо ќе заплаче кога ќе се врати дома вечерва. Пауло не можеше да се воздржи. И јас бев чувствителен што го гледав. Среќен сум што ги почувствував овие емоции, како и останатите играчи во клубот“, изјави тренерот.