Десетици илјади руски војници се убиени или ранети за време на војната во Украина, изјавија претставници на администрацијата на Бајден пред американските пратеници за време на доверливиот брифинг во средата. Портпаролот на Кремљ ја оспори информацијата.
„Информирани сме дека над 75.000 Руси се убиени или ранети, што е огромен број, има неверојатни износи на инвестиции во нивните копнени сили, над 80 отсто од нивните копнени сили се заглавени и тие се уморни“, изјави за Си-Ен-Ен Елиса Слоткин, демократка која служи во Комитетот за вооружени сили на Претставничкиот дом и која неодамна ја посети Украина.
Портпаролот на Кремљ, Дмитриј Песков, ја оспори бројката.
„Ова не е изјава на американската администрација“, рече Песков за време на прес-конференцијата во четвртокот. „Ова е напис во весник. Во денешно време и најреномираните весници не бегаат од ширење на разни неточни информации. За жал, тоа е практика која станува се почеста“, потенцира Песков.