Почетна / TOP NEWS / Аналитичар: Додека се на „црната листа“, тешкотиите за Huawei ќе продолжат

Аналитичар: Додека се на „црната листа“, тешкотиите за Huawei ќе продолжат

На неодамнешната конференција во Лондон, Huawei објави програма за поддршка на развивач на софтвер. Компанијата вети дека ќе плати 20 милиони фунти (околу 26 милиони долари) на програмерите од Велика Британија и Ирска кои создаваат апликации за мобилната платформа Huawei Mobile Services (HMS).

И покрај дарежливата понуда на кинескиот производител на паметни телефони, аналитичарот на CCS Insight Бен Вуд се сомнева дека обидот на Huawei да создаде алтернатива на продавницата на Google Play ќе успее, пренесува ЗДНет.

Компанијата е во тешка состојба и нема друг избор освен да привлече развивачи на кој било начин. Откако американското Министерство за трговија го вклучи Huawei во мај 2019 година на т.н. „црна листа“ на компании на кои американските компании не смеат да им продаваат компоненти и софтвер без конкретна дозвола, Google ја ограничи употребата на оперативниот систем Android на уредите Huawei.

Компанијата го задржa само пристапот до отворената верзија на Android, на која и недостасуваат популарните услуги на Google, како што се Play Store, Maps, YouTube и многу повеќе. Во новите модели на смартфони како Mate 30, како и во идните уреди, Huawei веќе треба да користи своја платформа.

Huawei дејствува прилично јасно и праволиниски: бидејќи Google не дозволува употреба на нејзините апликации, компанијата одлучи да ги создаде самостојно, коментира Бен Вуд. Huawei треба да привлече девелопери и да се осигура дека има пристојна алтернатива за сите апликации што се достапни на телефоните на други производители. Компанијата не го крие фактот дека за да се постигне оваа цел, се потпира на пари, истакна аналитичарот.

Сепак, таквата стратегија не гарантира успех. На пазарот за паметни телефони, многу компании постојано се обидуваа да се натпреваруваат со двете доминантни платформи – Android и iOS, но не успеаја да го постигнат посакуваниот резултат. Бен Вуд го истакнува фијаското на Windows 10 Mobile, BlackBerry и Tizen OS на Samsung.

„Huawei е во многу комплицирана ситуација. Искрено, додека се на „црната листа“, мислам дека тешкотиите ќе продолжат… Јас се сомневам дека Huawei ќе може да ги добијат повеќето од потребните апликации“, вели експертот, но додаде дека компанијата нема избор и ќе продолжи со својата глобална кампања за ангажман за девелопери.

loading...