Граѓаните сметаат дека здравствените власти немаат капацитет да ја спроведат вакцинацијата, односно 60,5 отсто од испитаниците во анкетата на Телма и МЦМС се изјасниле дека здравствените власти нема да можат навремено и и ефективно сите да ги вакцинираат. Една третина или 34,7 отсто веруваат во капацитетот на здравството, додека 4 отсто немаат став за ова прашање.
Според резултатите од анкетата, министерот за здравство Венко Филипче има највисока доверба од граѓаните во споредба со други министри во Владата, а и најдобри оценки целата Владата добила токму во справувањето со пандемијата.
Истражувањето е спроведено од М- Проспект во периодот од 16 до 24 декември, преку телефонска анкета, на репрезентативен примерок од 1000 испитаници, со маргина на грешка е +/3% и на ниво на доверба од 95%.