Националниот демократски институт објави анкета на која СДСМ има водство пред ВМРО ДПМНЕ. Висок е процентот на граѓани кои се изјасниле дека СДСМ заслужува втора шанса. Дури 43 отсто од испитаниците веруваат дека оваа партија треба да го заврши тоа што го почнала. 47 отсто од граѓаните пак сметаат дека ВМРО-ДПМНЕ не заслужува да победи на изборите.
Според анкетата, Коалицијата „Можеме“ предводена од СДСМ води за 5% пред коалицијата на ВМРО ДПМНЕ. Ова се резултати од анкетата на прашањето за кого ќе гласате на изборите на 12 април. Според оваа анкета СДСМ има 22.9 отсто од гласовите, БЕСА има 1.7 отсто, па со тие проценти од 24.6 водат пред ВМРО ДПМНЕ која има 19.6 проценти.
Сите позитивни атрибути, гласачите преку анкетата на НДИ, ги поврзуваат со СДСМ. 43 отсто одговориле дека ЕУ и НАТО се врзуваат со СДСМ, а само 14 со ВМРО-ДПМНЕ. Во борбата против корупција во СДСМ веруваат 21 отсто, додека во ВМРО ДПМНЕ само 14. 27 проценти рекле дека СДСМ испорачува резултати, а 18 дека тоа го прави ВМРО-ДПМНЕ. На крајот на прашањето дали им верувате, СДСМ има поддршка од 27 отсто, додека ВМРО ДПМНЕ од 19 проценти.
Во анкетата на НДИ спроведена во периодот пред да се одложат изборите, лидерот на СДСМ има наклонетост од 44 отсто од граѓаните. За разлика од него, лидерот на ВМРО ДПМНЕ има само 25 отсто. Висок е и процентот на граѓани, 48 отсто, кои ја одобруваат работата на Заев како премиер.
На прашањето дали државата оди во правилна насока 34 отсто одговориле потврдно, а 20 отсто негативно. Како причини за подобрување на ситуацијата граѓаните ги наведуваат покачената минимална плата, покачените пензии, подобрувањето на економијата…