„Независната“ кандидатка Данела Арсовска, поддржана од партиската коалиција ВМРО-ДПМНЕ-АА-АЛТЕРНАТИВА, се испофали себеси на првата прес-конференција по потпишувањето на кодексот за фер избори во Советот на Град Скопје.
На новинарско прашање дали се занимава со некаков бизнис, Данела Арсовска одговори: „Јас не се бавам со никаков бизнис. Јас сум човек кој што е интелектуалец, сум човек кој што е со интегритет, сум човек кој што е експерт, сум правник и сум економист“.
Потоа, Данела Арсовска се испофали дека како неа немало во Македонија и во Европа: „…имам достигнувања кои што ниту еден човек во Македонија не успеал да ги направи, имам достигнувања кои што ниедна индивидуа не успеала да ги направи и во Европа, и верувам дека тоа ќе знае да се цени…“
Која личност со интегритет, како што се претставува Арсовска, толку се фали себеси дека имала најголеми достигнувања – не само во Македонија, туку и во Европа?
Во своите досегашни јавни настапи, Данела Арсовска најмногу зборуваше за себеси, а најмалку за нејзината визија за Скопје и за проектите кои ќе ги нуди пред скопјани.