Фудбалскиот клуб Барселона продаде 10% од телевизиските клупски права за натпреварите во Примера во следните 25 години на американскиот фонд „Sixth Street“, за сума од 207,5 милиони евра, објави каталонскиот клуб.
„Со оваа трансакција Барселона остварува вкупна капитална добивка од 267 милиони евра за тековната сезона“, се вели во соопштението на клубот.
Барселона е во финансиски проблеми, а каталонските медиуми пренесуваат дека без овој договор клубот годината би ја завршил со минус од 150 милиони евра.
„Ги активираме економските одлуки и ја спроведуваме нашата трпелива, одржлива и ефикасна стратегија за зајакнување на финансиската основа“, рече претседателот на Барселона, Жоан Лапорта.
FC Barcelona and Sixth Street reach an agreement for the acquisition of a 10% share of the Club’s LaLiga TV rights
🔗 All the details: https://t.co/B2IRqpr0vk pic.twitter.com/09V97A1MWS
— FC Barcelona (@FCBarcelona) June 30, 2022
Продажбата на телевизиските права е една од двете финансиски одлуки кои беа донесени на минатонеделната седница на собранието на клубот, со цел што побрзо да се зголемат приходите и да се овозможи доведување на играчи.
Барселона може да продаде до 25 отсто од телевизиските права за најмногу 25 години.