Раководството на Атлетико Мадрид упати остри критики до Реал Мадрид, повикувајќи го клубот да „престане да го оцрнува имиџот на шпанскиот фудбал“ и барајќи да се прекине малтретирањето на судиите поради скандалот околу финалето на Кралскиот куп.
Главниот судија на натпреварот, Рикардо де Бургос, беше критикуван откако клупската телевизија на Реал емитуваше видео во кое ги истакнуваше неговите наводни грешки во натпреварите на тимот. Во статијата се истакнува дека Реал Мадрид има стапка на успех од 64% под негово водство, додека Барселона победува во 81% од натпреварите кога тој е судија.
Потоа дури имаше и информации дека „кралскиот клуб“ планира да го бојкотира финалето против Барса.
Атлетико брзо зазеде цврст став и, преку своите официјални профили на социјалните мрежи, го обвини својот градски ривал за оцрнување на угледот на шпанскиот фудбал преку постојани поплаки за судењето.
„Ова е неподносливо. Престанете да го оцрнувате имиџот на шпанскиот фудбал. #StopAcosoArbitralYa („Стоп за вознемирувањето на судиите“)“, напишаа тие на своите профили.
Во меѓувреме, самиот судија откри дека ситуацијата лично влијаела врз неговото семејство. Судијата, со солзи во очите, рече дека неговиот син станал мета на навреди и малтретирање во училиште откако соучениците го нарекувале „крадец“.