Австриската влада ги договори правилата за таканаречениот „Зелен пасош“, сертификат што ќе им овозможи на вакцинираните лица, излекувани од короната и негативно тестирани, да влезат во угостителски објекти, хотели, но и да придонесе за слободно патување.
Министерот за здравство, Волфганг Микенштајн, посочи дека документот ќе постои во дигитален, но и во аналоген формат.
На меѓународно ниво, технички, овој систем ќе се применува од лето, но секоја земја сè уште самостојно ќе одлучи кога и под кои услови е дозволено влез во земјата, објасни тој.
Според него, „Зелениот пасош“ ќе може да се „чита“ насекаде преку QR-кодот од јули, но можно е да важат различни правила од земја во земја, колку долго треба да се вакцинира лице за да влезе, или колку долго може да биде валиден тест за PCR итн.
Според Микштајн, не е сè фиксирано во Австрија и, според него, има потреба да се разговара дали ќе бидат прифатени само вакцините одобрени од Европската агенција за лекови (ЕМА) или ќе бидат прифатени кинеските Синофарм и руските вакцини.
Дека само тестот за антитела ќе биде прифатен, додава тој, е малку веројатно, бидејќи експертите велат дека е незгодно да се постават гранични вредности.
„Зелениот пасош“ ќе биде воведен во Австрија во три фази, како што беше претходно најавено.
Првата фаза започнува на 19 мај, кога е планирано првото големо олеснување на мерките, со потврда за вакцинација, потврда за лекување или негативен тест што важи како билет за угостителски објекти и настани.
Домашните тестови ќе бидат прифатени, но само 24 часа, додека тестот за антиген ќе важи 48 часа, а ПЦР-тестот 72 часа.
Лицето кое имало корона во изминатите шест месеци ќе биде прифатено како излечено.
Што се однесува до вакцинираните, „слободата“ ќе можат да ја користат оние кои поминале три недели од првата вакцина.
Кој не дојде за втора доза на вакцина, ги губи тие „слободи“, додаде Микенштајн.
Кога станува збор за тоа колку вакцината е „валидна“, тој рече дека треба да се утврди на ниво на ЕУ, но дека претпоставува дека ќе биде постигнат договор таа да трае осум или девет месеци.
Втората фаза започнува на 4 јуни, кога ќе биде дигитално применета на национално ниво.
Дигиталниот сертификат може да се преземе на www.gesundheit.gv.at
Исто така ќе може да се добие и преку здравствена е-картичка, за што ќе биде потребно давателот на услугата да има апликација за читање на бројот на осигурување и други податоци.
„Зелениот пасош“ ќе биде финализиран во јули, кога се очекува да биде комплетиран и во ЕУ.