Еден Азар го смета Кевин Де Бруин за најдобар фудбалер во сезоната во Премиер лигата и гласал за својот сонародник во годишната анкета во Англија. Напаѓачот на Челзи сепак објасни во интервју за Скај Спортс дека не многу далеку од класата на фудбалерот на Манчестер Сити се Мохамед Салах од Ливерпул и Хари Кејн од Тотенхем.
„Тројцата најдобри во моментов во Премиер лигата се Кевин Де Бруин, Мохамед Салах и Хари Кејн. Лично јас гласав за Де Бруин за фудбалер на годината, бидејќи едноставно е најдобар од сите. Можев да гласам и за Салах, бидејќи сум играл со него и е мој пријател, но тој е прилично напаѓач, а не играч за сè“, рече тој за Скај Спортс.
„Кевин има сѐ. Тој брани, центрира, асистира и постигнува голови во големи натпревари. Лично за мене тој е најдобар играч во сезоната“, додаде напаѓачот на Челзи.