Баерн е подготвен да прифати понуда за Левандовски, но има цврст услов

Баерн Минхен ќе се согласи на трансферот на Роберт Левандовски во Барселона, доколку Каталонците наеднаш ја платат бараната сума, пишува новинарот Мануел Вет на Твитер.

Барселона има сериозни долгови и Баварците стравуваат дека доколку се „раздели“ сумата ќе има проблеми со нејзината отплата. Според пишувањата на печатот, Германците ќе се согласат на трансферна сума од 40 милиони евра.

Левандовски отворено ја кажа својата намера летово да го напушти Баерн и да се пресели во Барселона. Полскиот голгетер минатата сезона одигра 46 натпревари за Баерн Минхен во сите натпреварувања, притоа постигна 50 гола и постигна седум асистенции.

Според информациите, Баварците за трансферот на Левандовски сакаат 50 милиони евра.