Бајден ги собра експертите за Русија: Што го советуваа пред средбата со Путин?

од Stefanija Kuzmanovska

Пред средбата со рускиот лидер Владимир Путин, американскиот претседател Џо Бајден свика состанок со група експерти за Русија, вклучително и оние кои работеа во администрацијата на поранешниот претседател Доналд Трамп, со цел да се подготват за самитот во Женева, објави „Аксиос“ , повикувајќи се на извори.

Експертите го повикаа Бајден да се откаже од заедничката прес-конференција со Путин и да не му „дава некаква можност (на Путин) да ги засени преговорите со јавни предлози“, пишува весникот.

Според написот, средбата со експертите, која не беше објавена претходно, покажува колку Бајден сака да се подготви за претстојниот самит со Путин.

Групата експерти, според весникот, се состоеше од околу десетина лица, вклучувајќи ги Мајкл МекФол и Џон Теф – двајца поранешни амбасадори во Русија под раководство на поранешниот американски претседател Барак Обама и високиот директор за Русија при Советот за национална безбедност Ерик Грин.

На состанокот присуствуваше и Фиона Хил – поранешен соработник на Советот за национална безбедност која го придружуваше Трамп на состанокот со Путин во Хелсинки во 2018 година.

Претходно, Хил призна дека размислувала да исценира дека ѝ треба итна медицинска помош за да ја прекине таа прес-конференција со Путин, потсетува весникот „Аксиос“, нагласувајќи дека на самитот Русија-САД во Хелсинки, Трамп ги довел во прашање резултатите од истражувањата на американските разузнавачки служби за мешањето на Русија во претседателските избори во САД во 2016 година.

Исто така, се нагласува дека немало отворени несогласувања меѓу експертите во врска со пристапот што треба да го избере Бајден. Некои учесници на состанокот предложиле да се бараат повеќе можности за соработка со Русија – „од размена на студенти до воспоставување дипломатски и конзуларни должности“, додека други повикаа на поостар пристап секогаш кога е можно.

Претходно, портпаролот на Белата куќа за „Блумберг“ изјави дека по средбата со рускиот лидер Владимир Путин, американскиот претседател Џо Бајден ќе одржи специјална прес-конференција, додека Кремљ потврди дека самиот Путин ќе им се обрати на медиумите по самитот.

Самитот на рускиот и американскиот претседател ќе се одржи во Женева на 16 јуни

Слични содржини