Бајден го ограничи приемот на бегалци на 15.000 годишно

од Stefanija Kuzmanovska

Претседателот на САД, Џозеф Бајден, потпиша указ со кој се ограничува приемот на бегалци оваа година на историски најмал број од 15.000, кој беше поставен за време на мандатот на неговиот претходник Доналд Трамп. Ова го одложи планот за зголемување на бројот на бегалци на 62.500, што ги налути адвокатите што ги застапуваат бегалците и некои демократски пратеници.

Поради зголемениот број критики упатени заради одлуката, Белата куќа издаде соопштение во кое се наведува дека Бајден ќе го одреди конечниот, зголемен број бегалци кои можат да влезат во земјата до 15 мај, пренесува „Ројтерс“.

Наредбата на Бајден за ограничување на приемот на мигранти на 15.000 беше удар врз групите адвокати кои сакаа Демократскиот претседател брзо да ја промени политиката за бегалци поставена од поранешниот претседател Доналд Трамп, кој го постави бројот како начин за ограничување на имиграцијата.

Програмата за прием на бегалци е различна од системот за азил за мигранти.

Бегалците треба да поминат низ проверка за да влезат во САД, додека мигрантите кои ќе дојдат во земјата на границата можат да поднесат барање за азил.

Бајден, кој ја презеде должноста во јануари, пред два месеци посочи дека ќе го зголеми бројот на влезот за бегалците во текот на 2021 година, до крајот на фискалната година на 30 септември, но сепак не го стори тоа.

„Ројтерс“ додава дека претпазливиот пристап на Бајден е најверојатно поврзан со загриженоста за бројот на приеми на бегалци поради зголемениот број мигранти кои пристигнуваат на американско-мексиканската граница во последните неколку месеци и не сака САД да изгледаат премногу отворено или меко, рече висок Американски официјален претставник запознат со ова прашање.

loading...

Слични содржини