161
Шпанскиот фудбалски Суперкуп во своите три наредни изданија ќе се игра турнирски со 4 клуба и тоа надвор од европскиот континент, а денеска беше направена ждрепка за мечевите во јануари во градот Џеда, во Саудиска Арабија.
Ждрепата сакаше во полуфиналето да играат Барселона – Атлетико Мадрид и Валенсија – Реал Мадрид. „Лилјаците“ и „кралевите“ ќе се сретнат на 8 јануари, еден ден подоцна е каталонско-мадридскиот дуел, а финалето е закажано за 12 јануари.
Еден од условите кои ги бараше шпанската федерација кога се договараше со Саудијците, беше да се дозволи влез на жените на стадионот кој собира 62.000 гледачи. Победникот ќе освои 2 милиони евра, а самото учество носи 800.000 евра.