Бразилскиот фудбалер Емерсон е третото засилување на Барселона во новата сезона, беше објавено од каталонскиот клуб.
Емерсон потпиша договор со Барселона во 2019 година, но како дел од договорот замина на двегодишна позајмица во Бетис.
Каталонскиот клуб сега го откупи неговиот договор за девет милиони евра, па 22-годишниот фудбалер ќе игра за Барселона во следните три години.
Минатата сезона, десниот бек забележа 10 асистенции за Бетис, кој го освои шестото место во Примера, а во новата сезона ќе игра во Лига Европа.
Во претходните два дена, Барселона донесе две засилувања, Серхио Агуеро и Ерик Гарсија, кои пристигнаа како слободни агенти, откако претходно играа за Манчестер Сити.
👋 Hello, @emerson_royal22!
💙❤️ #EmersonCuler— FC Barcelona (@FCBarcelona) June 2, 2021
Една од главните цели на клубот ќе биде потпишување на нов договор со Лионел Меси, чиј договор истекува на крајот на овој месец. Долгот на Барселона се проценува на 1,2 милијарди евра.