Барселона е највредниот клуб во светот

од Stefanija Kuzmanovska

Барселона е на врвот на листата на „Форбс“ за највредни клубови во светот за прв пат во историјата, иако има долгови кои надминуваат една милијарда фунти.
Каталонскиот гигант го симна од тронот неговиот најголем ривал Реал Мадрид.
Барселона е проценета на 3,46 милијарди фунти, додека Реал – 3,45 милијарди фунти.

На трето место е Баерн (3,07 милијарди фунти), следен од Манчестер Јунајтед (3,06 милијарди фунти), Ливерпул (2,98 милијарди фунти), Манчестер Сити (2,91 милијарди фунти), Челси (2,33 милијарди фунти), Арсенал (2,04 милијарди фунти), Пари Сен Germермен (1,82 милијарди фунти) и Тотенхем (1,67 милијарди фунти).

Неверојатно е што дури шест англиски клубови се наоѓаат меѓу 10-те највредни клубови во светот и оваа година, а тоа зборува многу за силата на Премиер лигата.

„Форбс“ објави дека вредноста на Ливерпул се зголемила за дури 88 проценти во последните две години во кои тимот од „Енфилд“ ги освои Лигата на шампионите и Премиер лигата.

Интересно, Јувентус не е во друштво на 10-те највредни клубови. Тој беше „нокаутиран“ од ПСЖ, па италијанскиот гигант сега е на 11-то место.

Англичаните имаат уште три клуба во топ 20, и тоа Евертон (479 милијарди фунти), Вест Хем (369 милијарди фунти) и Лестер (331 милијарди фунти).

Останатите клубови во најдобрите 20 се Борусија Дортмунд, Атлетико Мадрид, Интер, Милан, Рома и Ајакс.

Слични содржини