Баварците го декласираа Баер и израмнија рекордот стар 45 години

од Vladimir Zorba

Требаше да биде дерби, на крајот фудбалерите на Баерн го декласираа Баер среде Леверкузен и славеа убедлива победа од 5-1 во 8. коло од Бундеслигата.

Баварците ја завршија работата на полувреме, бидејќи на одмор заминаа со водство од 5-0. Роберт Левандовски го најави потопот на „фармацевтите“ во 4 -та минута, кога ја искористи асистенцијата на Дажо Упамекано. Полјакот го удвои водството на Баерн во 30. минута, постигнувајќи девет гола оваа сезона, изедначувајќи се со Ерлинг Халанд на првото место на листата на стрелците.

А потоа „блиц-криг“ на Баерн, кој постигна три гола за три минути. Прво, Томас Милер погоди во 34. минута за 3:0, минута подоцна Серж Гнабри, а Гнабри постигна нов гол во 37. минута. Конечните 1: 5 ги постави Патрик Шик.

Инаку, Баерн постигна дури 29 гола во првите осум натпревари, со што се израмни нивниот рекорд стар 45 години. Баварците го имаа истиот ефект во сезоната 1976/77.

Слични содржини