467
Присуството на коронавирус е потврдено кај бебе на возраст од девет дена во Јајце, објави болницата во централниот дел на Босна и Херцеговина.
Мајката одлучи да се тестира за коронавирус, откако еден од членовите на семејството се заразил со Ковид.
„Поради загриженост за бебето, мајката се јави во нашата институција, каде што го тестиравме бебето со брз тест за антиген, кој исто така беше позитивен, па и двајцата беа испратени во болницата во Травник“, се вели во соопштението од болницата во Јајце.
Според локалните медиуми, здравствената состојба на бебето и мајката е задоволителна.
Случаите на инфекција со коронавирус кај бебиња на возраст под една година се многу ретки.