Бектеши: Испораката на природен гас не е прекината

Министерот за економија Крешник Бектеши по информациите дека руски „Газпром“ ја прекинала испораката на гас кон Бугарија и Полска информираше дека испораката на природен гас не е прекината и дека постои соодветна алтернатива

– Сепак, ситуацијата е комплексна и не се знае каква одлука може да биде донесена во наредните денови. Државата има соодветни алтернативи, уверува Бектеши.

Според него, Бугарија не смее да направи прекин на гас и преносната мрежа мора да функционира.

Најави дека следната недела во Софија ќе се одржи состанок на сите министри од регионот за да се презентираат потребите на државата и да има континуирано снабдување со енергенси.