Од Белата куќа ја повикаа С. Македонија да ги започне пристапните преговори со ЕУ. Џејк Саливен, советникот за национална безбедност на американскиот претседател Џо Бајден, објави на Твитер дека ја охрабруваат земјава на нејзиниот европски пат.
-Од влезот во НАТО, Северна Македонија е силен сојузник. Исто така, може да даде важен придонес за ЕУ. Ги охрабруваме нашите пријатели да ја искористат можноста да го започнат процесот на пристапување во ЕУ, напиша Саливен на Твитер.
Since joining NATO, North Macedonia has been a strong Ally. It can also make important contributions to the EU. We encourage our friends to take the opportunity to start the EU accession process.
— Jake Sullivan (@JakeSullivan46) July 4, 2022
Претходно и американската амбасадорка во земјава, Кејт Мери Брнз истакна дека САД целосно ја поздравуваат дискусијата во земјава за модифицираниот француски предлог.
-САД ја поздравуваат дискусијата во Северна Македонија за ревидираниот предлог на ЕУ за почеток на пристапните преговори, признавајќи ја важноста на македонскиот јазик и идентитет. Долго време ја поддржуваме иднината на Северна Македонија во ЕУ и сега гледаме можност да се придвижи напред“, напиша Брнз на Твитер, објави американската амбасада во земјава.