Белата куќа во пламен и „скелет на Трамп“ - постер на групата Перл Џем

Американските републиканци го критикуваа постерот на групата Перл Џем, на кој се гледа Белата куќа во пламен и орел кој колве човечки скелет.

Имено, републиканците сметаат дека скелетот го претставува американскиот претседател Доналд Трамп.

Националниот комитет на републиканскиот сенат и кандидат за американски Сенат од Монтана, Мет Розендеил, го споредија постерот на познатата група со фотографија на комичарката Кети Грифин, на која таа држи лажна исечена глава на претседателот Трамп.