Специјалните полициски сили во Белорусија пукале кон луѓе во Минск, кои седеле на своите балкони и им кажувале на демонстрантите каде да се сокријат.
„Покрај метро станицата „Грушевска“ од полициски автомобили излегоа голем број специјалци. Демонстрантите почнаа да бегаат. Од балконите на околните згради, луѓето викаа каде да се кријат, а како одговор на тоа, вооружените сили почнале да пукаат кон нив“, навел новинарот на Спутник.
Неколку стотици граѓани протестираат и денес, поради прекумерната употреба на сила од полицијата.
🇧🇾 Минск. Силовики стреляют по окнам, чтобы люди не высовывались.
Менты е@анулись окончательно. pic.twitter.com/zGGOt7Ir8H— Artyom (@mynamehay) August 12, 2020
Претседателските избори беа одржани во Белорусија на 9 август. Според Централната изборна комисија, на изборите победил сегашниот претседател, Александар Лукашенко, кој е на чело на земјата 26 години. Опозицијата не ги призна резултатите од изборите.
Вечерта во истиот ден, граѓаните незадоволни од организацијата и резултатите од гласањето излегоа на улиците, а масовните протести продолжуваат секој ден. Безбедносните сили користеле водени топови, солзавец, шок-бомби и гумени куршуми за да ги разбијат демонстрантите, при што едно лице загинало, а многумина се хоспитализирани поради повреди.