Бесими: Јавниот долг изнесува 59,5 проценти од БДП, а задолжувањето може да оди до 1 процентен поен

од Aleksandar Petrovski

Во гостувањето на Телма, министерот за финансии Фатмир Бесими истакна дека јавниот долг изнесува 59, 5 проценти од БДП и задолжувањето може да оди до 1 процентен поен.

-Во овој период како држава имаме обезбедено средства, дефицитот може да се реализира со намалување на дел од депозитите и со домашно задолжување каде се помали каматните стапки. Доколку е 200 милиони дефицитот, 100 милиони ќе се искористат од претходната година неискористени средства и над 100 милиони со домашно задолжување. Економиите на сите светски земји се сериозно погодени од оваа ковид криза, па таква е ситуацијата и кај нас.

Јавниот долг изнесува 59,5 проценти од БДП задолжувањето може да оди до 1 процентен поен но не мора да значи. Зависи како ќе течат програмите кои се со кредити од надвор а и реализацијата на буџетот затоа што  пресметување на јавниот долг влегуваат и кредитите како што се повлекуваат при реализацијата на капиталните инвестиции, рече Бесими.

Слични содржини