Бил и Мелинда Гејтс: Миеме садови, скромни сме и одиме во црква

од Vladimir Zorba

Коосновачот на Мајкрософт, Бил Гејтс и неговата сопруга Мелинда имаат три возрасни деца на возраст од 17 до 23 години.

Бил Гејтс е третиот најбогат човек во светот. Тој ја запознал својата сопруга Мелинда во 1987 година, парот се венчал во 1994 година и оттогаш се во брак. Славната двојка одлучи скромно да ги воспитува своите деца.

Иако живеат на имот во Вашингтон вреден 127 милиони долари и поседуваат неколку имоти, нивните родителски методи се слични на оние што може да ги видите во просечни семејства.

Ние работиме домашни работи заедно

Бил и Мелинда ја водат Фондацијата Бил и Мелинда Гејтс, најголемата приватна фондација во светот, која поседува имот од скоро 47 милијарди долари и ги делат домашните работи со нивните две ќерки и синот – Џенифер, Фиби и Рори.

Миењето садови секоја вечер е традиција во нивното семејство. Мелинда дошла на идеја да го докаже фактот дека „неплатените“ домашни работи не треба секогаш да ги вршат жени, ниту мажи, а исто така верува дека заедничкото миење садови го зајакнува нејзиниот брак со Бил и семејните врски.

Телефоните се забранети на трпезариската маса

Титанот во светот на технологијата е прилично строг кон своите деца кога станува збор за употребата на технологијата. Бил и Мелинда им забранија на своите деца да користат гаџети на трпезариската маса, додека првиот телефон го добиле по нивниот четиринаесетти роденден. Бил го ограничува времето што можат да го поминат гледајќи на екранот, бидејќи верува дека на тој начин можат да имаат подобар квалитет на сон.

Семејството редовно оди во црква

За време на едно интервју, Бил Гејтс истакна дека неговото семејство редовно оди во црква. „Ние ги воспитавме децата на религиозен начин. Тие ја посетуваат Католичката црква, од која сме дел и јас и Мелинда“, истакна Бил Гејтс.

Тој исто така објасни дека неговата филантропска работа првенствено има за цел да ја намали нееднаквоста во светот, на која ќе бидат посветени неговите деца.

Бил Гејтс е вистински револуционер во областа на технологијата, но тој и Мелинда сепак го следат родителскиот модел развиен во седумдесеттите години. Методот на образование „љубов и логика“, ги намалува емоционалните реакции како што се навреди и проповедање на децата.

Нивното прво дете, ќерката Џенифер, се роди во 1996 година и дипломираше на Универзитетот Стенфорд. Таа е искусна во коњички спорт и се натпреварувала низ целиот свет.

Второто дете е 20-годишниот син Рори Гејтс, кој студира на Универзитетот во Чикаго.

Фиби Гејтс, 17, е трето дете на познатите родители.

Слични содржини