Блинкен позитивен на корона – Дали постои ризик Бајден да има ковид 19?

од Stefanija Kuzmanovska

Американскиот државен секретар Ентони Блинкен е позитивен на тестот за ковид-19, соопшти Стејт департментот. Во соопштението се наведува дека Блинкен имал благи симптоми.

Обраќањето на Блинкен за Кина, кое требаше да се одржи во среда, е одложено, се вели во соопштението што го пренесе „Ројтерс“.

Тој ќе се „изолира во својата куќа“ и ќе работи виртуелно, изјави неговиот портпарол Нед Прајс.

Белата куќа, пак, соопшти дека американскиот претседател Џозеф Бајден не го видел Блинкен веќе неколку дена, така што немал близок контакт со него.

Слични содржини