Кога се дискутира за тоа кои земји најдобро реагирале на пандемијата „ковид-19“, Тајван, Нов Зеланд и Виетнам најчесто се спомнуваат.
На прв поглед, потезите на Велика Британија не изгледаат импресивни – Велика Британија има една од највисоките стапки на смртност на милиони жители, премиерот се зарази и беше недостапен со недели, а Британците не покажаа многу ентузијазам за носење маски, пишува Блумберг.
Но, најважниот фактор во глобалната реакција на пандемијата е секако напредокот во биомедицински истражувања, т.е. во потрагата по лекови и вакцини, а Велика Британија има неверојатни резултати и секако е прва по глава на жител во светот во откритијата во оваа област.
Британските научници го лансираа првиот лек за кој се покажа дека ја намалува смртноста кај пациенти заразени со ковид-19. Тоа е финансиски достапниот стероид познат како дексаметазон.
Откриено е дека малите дози на овој кортикостероид можат да ја намалат смртноста за третина кај оние пациенти кои биле на респиратори. За оние заразени со коронавирус кои примале кислород, оваа дрога ја намали веројатноста за смрт за една петтина.
Дексаметазон сега се користи ширум светот за лекување на коронавирус, а сиромашните земји можат да си го дозволат тоа. Оваа дрога била тестирана и во Шпанија, но првиот значаен напредок го постигнале британските експерти.
Водечкиот кандидат за потенцијална вакцина против ковид-19, исто така, доаѓа од Велика Британија.
Во понеделникот, медиумите објавија дека научниците од Оксфорд, во соработка со фармацевтската компанија „AstraZeneca“, успешно ја спровеле првата и втората фаза на клиничките испитувања (тестирање на човекот) на вакцината против коронавирус и дека предизвикуваат безбедна имунолошка реакција кај 1.000 пациенти.
Вакцината предизвика реакција на Т клетките (бели крвни клетки кои можат да ги нападнат заразените САРС-КоВ-2) во рок од 14 дена по вакцинацијата и реакцијата на антитела кои можат да го неутрализираат вирусот во рок од 28 дена по вакцинацијата.
„Гледавме најсилен имунолошки одговор кај оние 10 испитаници кои добија две дози на вакцината, сугерирајќи дека ова може да биде добра стратегија за спречување на инфекцијата“, рече имунологот Ендру Полард, кој учествува во оваа студија.
Британските власти го споменуваат бројот на еден милион дози што може да бидат готови до есен, иако досега е вообичаено да се потребни неколку години напор и тестирање за да се развие ефикасна вакцина. Многумина се прашуваа како Оксфорд тогаш успеа толку брзо да ја развие споменатата вакцина. Одговорот лежи во добра подготовка и инвестирање во различни потенцијални истражувања.
Институтот Џенер на Оксфорд, кој има клучна улога во развојот на вакцините, претходно работел на други истражувања поврзани со ковид-19 и имал претходно знаење за тоа кои потенцијални вакцини против коронавирус може да бидат безопасни за луѓето.
На кратко, и најдобриот лек и најдобрата потенцијална вакцина за коронавирус доаѓаат од Велика Британија, пишува Блумберг, компанија за финансиски медиуми со седиште во Њујорк.
Втор водечки кандидат во трката за развој на лекови и вакцини, најверојатно е САД, кој го произведе антивирусниот ремедивир и работи на широк спектар на кандидати за вакцини.
Критичарите на „Брегзит“ честопати истакнаа дека Велика Британија ќе стане помалку важна земја со напуштање на ЕУ. Во меѓувреме, Велика Британија е на добар пат да го спаси целиот свет.