Денес разговарав со Кристина Ампева од здружението Гласен текстилец, во однос на новонастаната состојба и превземените мерки од страна на Општинскиот штаб за заштита и спасување објави на својот Фејсбук профил, градоначалникот на Штип, Благој Бочварски.
-Институциите, заедно со здруженијата на граѓани и бизнис секторот мораат во овој момент да имаат тесна соработка со цел ставање под контрола на овој нов бран на Ковид-19.
Од денес започна проширено тестирање на нешто над 500 вработени од текстилните компании и запирање на работниот процес со цел заштита на граѓаните. Тестирањето ќе трае и во тек на наредните неколку дена.
Сите текстилни работнички кои се тестирани задолжително треба да останат дома во наредните денови.
Со заеднички сили и со почитување на мерките за заштита ќе успееме да се справиме со овој втор бран на Ковид-19 во Штип, заклучи Бочварски.