Актуелно
Почетна / Локално / Богдановиќ подели 200 топли оброци за Рамазан Бајрам

Богдановиќ подели 200 топли оброци за Рамазан Бајрам

По повод големиот муслимански празник Рамазан Бајрам, градоначалникот на општина Центар, Саша Богдановиќ, заедно со негови колеги и волонтери од невладината организација „Банка за храна“ поделија 200 топли оброци за жителите кои живеат во населбите Крњево и Маџир маало.

Од општината соопштија дека хуманата акција и донацијата ја спровеле во соработка со економските оператори и други физички и правни лица за жителите на Центар кои живеат во социјален ризик.

„Општина Центар како локална самоуправа продолжува и во наредниот период со обезбедување донации од општествено одговорни компании и хумани поединци, за помош и поддршка на нашите сограѓани од најранливите категории кои живеат на територијата на Центар“, соопштија оттаму.

loading...