Бугарскиот премиер Бојко Борисов Борисов, чија партија ГЕРБ освои најмногу гласови на парламентарните избори, но е далеку од формирање влада самостојно, им предложи синоќа на другите партии да влезат во новиот парламент и да ги „закопаат секирата“ и заедно да формираат експертска влада .
“Јас ви нудам мир. Предлагам да донесеме експерти, да ангажираме луѓе, да преземеме одговорност и да сториме се што можеме за да ја извадиме Бугарија од пандемијата до декември и да одиме напред”, рече Борисов во видео обраќањето на Фејсбук, по вчерашното парламентарно избори.
Тој посочи дека ова е негов предлог до сите и дека секој треба да размисли како може да се мобилизира.
“Радувајте се за еден или два или три дена, а потоа размислете што е стабилно, а што не. Да видиме дали можеме да се обединиме во името на државата. Досега рековте дека луѓето не сакаат нас,но вие имате 5, 4 или девет проценти од гласовите, а ние 25 проценти “, рече Борисов.
Иако неговата централно-десничарска партија Граѓани за европски развој на Бугарија (ГЕРБ) освои најмногу гласови во излезните анкети, Борисов ќе има потешкотии да остане на власт по зголемувањето на гласовите на неделните избори за анти-естаблишмент и антикорупциска партија, пренесува Ројтерс.
Излезните анкети предвидуваат дека ГЕРБ ќе остане најголемата партија во парламентот, но со само околу 25 проценти од гласовите, наспроти 33,5 проценти што ги освои пред четири години.
Зад неа, за второто место се натпреваруваа опозициските социјалисти и новата партија против естаблишментот, основана од пејачот Слави Трифунов, а прагот за влез во парламентот го преминаа уште две партии кои се против Борисов.
Демократска Бугарија, една од најголемите сили во масовните протести против Борисов минатото лето, освои околу 10-11 процент, покажуваат анкетите.
Друга опозициска партија, “Стани! Мафија излезе!” ќе влезе на следното свикување на парламентот.
Етничката турска партија МРФ освои 10-11 процент, покажуваат анкетите, додека националистичката партија ВМРО го надмина прагот од четири поени.
Двете партии беа сојузници на владејачката коалиција ГЕРБ.
Не може да се исклучат неколку недели разговори, па дури и нови избори, што значи дека Бугарија, најсиромашната членка на Европската унија, може да има потешкотии при присвојувањето на фондот на ЕУ за закрепнување од вирусот корона во износ од 750 милијарди евра, според агенција.