На социјалните мрежи лавина реакции предизвика видеото објавено на Фејсбук страницата посветена на луѓе од БиХ кои живеат во Швајцарија, а на која Швајцарец наводно напаѓа Босанец затоа што пече јагне во двор.
Имено, човек по име Дин, а судејќи по коментарите, по потекло од БиХ, печел јагне во дворот, кога му пришол лут Швајцарец, кој во рацете носел некаков вид на оружје и противпожарен апарат.
„Знаеш дека тоа е забрането, Југословен“, извикал Швајцарецот, а Дин веднаш повикал полиција.
Додека им објаснувал на полицајците каде треба да дојдат, Швајцарецот го активирал апаратот за гаснење пожар врз јагнешкото. Госпоѓата од балконот снимила се и за тоа го известила Дин, пренесува „Klix.ba“.
„Напад на чест и ражен“, гласи описот на видеото кое се појави на Фејсбук и собра над илјада коментари.