Просечната нето плата во БиХ во декември минатата година изнесуваше 486 евра и била номинално поголема за 5 отсто отколку во ноември истата година, а за 2,5 отсто поголема од декември 2018 година. Таквата плата е помала дури и од минималната плата во Хрватска.
Во Црна Гора „просечната“ плата за истиот период достигна 520 евра.
Најниска просечна декемвриска нето-плата во Босна и Херцеговина од 297 евра имаше во секторот на хотелиерството и рестораните.
Во БиХ, просечната месечна бруто плата во декември минатата година изнесува 752 евра, што е номинално повисока за 5,2 отсто во однос на ноември истата година, и поголема за 2,6 отсто во однос на декември 2018 година.
За тоа време, просечната декемвриска плата во Словенија изнесуваше 1,215 евра нето, што е номинално за 1,6 отсто и во реални услови 1,4 отсто пониско од ноемвриската плата. Овој пад се должи на перформансите и божиќните бонуси платени во ноември.
Во бруто-сумата се исплатени 1.855 евра, што е за 2,2 отсто и во реални услови 2 отсто помалку отколку во ноември.
Просечната бруто-плата минатата година во приватниот сектор се зголеми за 3,9, во јавниот сектор за вкупно 5,4 отсто и 6,5 отсто во јавната администрација.
Надпросечниот пораст на платите во јавниот сектор е директна последица на реализацијата на договорот за зголемување на платите и признатите трошоци за работата во јавниот сектор, што го постигнаа минатата година осиндикатите на јавната администрација и владата, соопшти Заводот за статистика.
Во Србија просечната плата за ноември изнесуваше 480 евра.