Обединетото Кралство секојдневно бележи нови случаи на мајмунски сипаници, изјави претставникот на британската агенција за здравствена безбедност, додека владата изјави дека многу сериозно ја сфаќа оваа тема.
„Секој ден регистрираме нови случаи“, изјави Сузан Хопкинс за Би-Би-Си.
Минатата недела се регистрирани 20 пациенти, а новиот биланс ќе биде објавен утре со податоци од викендот, додала Хопкинс.
Неколку европски земји забележаа случаи на оваа болест, чие ширење може да забрза во Европа, изјави во петокот претставник од регионалниот оддел на Светската здравствена организација.
Хопкинс појаснил дека во огромното мнозинство на случаи досега во Британија, луѓето сами се лекуваат.
Таа ги опиша мајмунските сипаници како нова заразна болест која се шири во британската заедница во случаи кои немаат идентификуван контакт со лице кое дошло од Западна Африка, каде што болеста претходно била присутна и каде што е ендемична.
-Преносот е откриен главно меѓу поединци кои се идентификуваат како хомосексуалци или бисексуалци, или меѓу мажи кои имаат секс со мажи, рекла таа.
Таа повика на внимание и на најмал симптом, но во исто време нагласи дека ризикот за целата популација е „исклучително мал“.
-Иако не постои вакцина против сипаници, која сама се лекува, вакцината против сипаници може да се користи за заштита на случаи на контакт, додала Хопкинс.
Министерот за образование Надим Захави на истата телевизија изјави дека владата го сфаќа проблемот „многу сериозно“ и дека Велика Британија почнала да купува вакцини против големите сипаници.