Актуелната состојба во Вашингтон го потсети британскиот новинар Тим Џуда на сцени што можеа да се видат на нашите простори во минатото, па тој по тој повод се огласи на Твитер.
„Америка сега целосно се претвори во Балкан“, коментираше вечерва на Твитер британскиот новинар и политички аналитичар во „Економист“.
USA has gone full Balkans now.
— Tim Judah (@timjudah1) January 6, 2021
Оваа реченица доаѓа во време кога Вашингтон „гори“, а толпата приврзаници на Трамп „дивее“ пред Капитол, но и во самиот Конгрес.
Да потсетиме, тоталниот хаос доаѓа вечерва од Вашингтон, каде приврзаниците на Трамп се судрија со полицијата на скалите на Капитол, додека Конгресот внатре ги потврдуваше изборните резултати и победата на Џо Бајден.
Имаше немири пред зградата на Капитол, а демонстрантите пробија неколку полициски барикади и упаднаа во Капитол. Се слушнаа истрели, испукан е солзавец, а американскиот потпретседател Мајк Пенс и членовите на Конгресот биле евакуирани од зградата.
Every single insurrectionist in the Capitol must be caught and punished SEVERELY. https://t.co/QNuOEm7s17
— Democratic Coalition (@TheDemCoalition) January 6, 2021