Судот го отфрли барањето на Бритни Спирс да ја ослободи од старателството кое над неа го има нејзиниот татко Џејмс Спирс – барем засега, пишува „Вариети“.
Новите судски документи поднесени од Врховниот суд во Лос Анџелес во средата покажуваат дека судијата го отфрлил барањето на адвокатот на Бритни Спирс, Самуел Ингам, од пред неколку месеци за прекинување на старателството на нејзиниот татко врз неа.
Одлуката на судот не е директен одговор на минатонеделното рочиште, каде Бритни сведочеше во шокантни детали за животот под долгогодишното старателство на нејзиниот татко.
„Барањето за престанок на старателството на Џејмс Спирс над неговата ќерка и целиот нејзин имот беше одбиено без претходно влијание“, се наведува во судските документи.
Најновите судски документи се уште една пречка за Бритни, но уште едно одбивање на судот на барање на пејачката не е ништо ново.
Адвокатот на Бритни, Самуел Ингам, поднесе барање за прекинување на старателството на Спирс над нејзината ќерка во ноември 2020 година, во кое се наведува дека неговиот клиент „се плаши од својот татко“.