Премиерката на Србија, Ана Брнабиќ рече дека утре „рестриктивните“ мерки „веројатно“ ќе бидат воведени во повеќе градови, слично на оние што ги воведоа некои локални самоуправи во изминатите неколку дена како резултат на експлозијата на Ковид-19.
Таа на ТВ Пинк изјави дека утре во 10 часот ќе се одржи состанок на Кризниот штаб за сузбивање на заразната болест Ковид-19 и дека нема да бидат воведени целосни забрани за движење или собирање, како во време на вонредната состојба.
Таа потсети дека засега се воведени разни вонредни состојби во Нови Пазар, Крагуевац, Ужице и Врање.
Според неа, мерките ќе бидат во сила на одредени места, а не на целата територија на Србија, пренесе „Н1“.
„Во Белград секако има најмногу заразени лица, не по глава на жител, но вкупно, но повторно две третини од сите заразени се во Белград. Тоа е претежно помладата популација, така што ќе разгледаме како да таргетираме мерки и да го решиме тој проблем во тој момент“, вели премиерката.
Таа изјави дека работата на ноќните клубови ќе биде „сигурно“ забранета и дека ќе се разгледа и забраната или ограничувањето на работата на рестораните.
Брнабиќ рече дека „размислувала за тоа што е паметно (во сегашната ситуација)“ и дека е „очигледно“ дека короната ќе биде присутна сè додека не се развие вакцината против Ковид-19.
„До тогаш, треба да живеете … И тие клубови и тие ресторани се економија, која го полни буџетот, од кој се плаќаат пензиите“, рече таа.
Премиерката изјави дека засега нема нови случаи во Владата на Србија, дека „короната е ризик што професијата (на политичарите) го носи со себе“ и дека е тестирана порано, кога се покажа дека лицето со кое била во контакт е позитивна за коронавирус .