Брнабиќ за „запаливата реторика меѓу Белград и Приштина“: „Престанете со лицемерието“

од Vladimir Zorba

Премиерката на Србија, Ана Брнабиќ, реагираше на изјавата на Европската служба за надворешни работи (ЕЕАС), во која таа предупреди на зголемување на „запаливата реторика меѓу властите на Белград и Приштина“.

– Гледајќи ја оваа изјава на ЕЕАС, некој би помислил дека денес е 1 април, а не 14 август. Сигурно е некаква (многу несолена) шега – напиша Брнабиќ на својот Твитер профил.

– Цели 175 дена Албин Курти предизвикуваше вооружен конфликт со Србите. И тоа во година која ќе остане запаметена како година во која Курти ги лиши истите тие Срби на Косово од најосновните човекови права – со тоа што им забрани да гласаат. Освен бескорисна писмена изјава, ЕУ во оваа прилика не направи апсолутно ништо – изјави таа.

– Наспроти ова, мотото на претседателот Вучиќ и Србија е јасно: мир и стабилност. Се наближуваат десет (10!) години од потпишувањето на Бриселскиот договор, кој ЕУ едноставно не може да го спроведе. Дури и самата ЕУ признава дека не можат да го принудат Курти да формира Заедница на српски општини – столбот на Бриселскиот договор. Тажно е да се види дека ЕУ не ја гледа сопствената вина за тоа каде сме денес – истакна премиерката.

-Доколку ЕУ го стореше својот дел – го обезбеди спроведувањето на Бриселскиот договор и ги гарантираше основните човекови права на Србите во Косово – работите денес ќе изгледаа многу поинаку. Затоа, ве молам, престанете со лицемерието – порача Ана Брнабиќ.

Слични содржини