Министерот за здравство во заминување, Арменд Земај, изјави дека Косово нема да прифати вакцини против Ковид-19 од Србија и Русија.
Бројот на заразени лица на Косово се зголеми за 26%, а Земај посочува дека имунизацијата е единствениот спас, но ставот на Приштина е дека нема да прифаќа вакцини од Србија и Русија, туку само оние одобрени од Светската здравствена организација, пренесе порталот „Косово онлајн“.
На состанокот на Комитетот за координација и проценка на состојбата со коронавирус, Земај рече дека обезбедувањето на вакцината е единствениот начин да се спречи пандемијата, но исто така посочи дека Косово ќе прифати само вакцина одобрена од СЗО, а не од Русија и Србија.
„Вакцината е можност за спречување на вирусот, но ние јасно кажавме дека нема да прифаќаме вакцини од Србија од Русија. Косово ќе прифати само вакцини одобрени од СЗО“, прецизира Земај.