Раперот Амар Хоџиќ, попознат како Буба Корели, денес бил поврзан во врска со пукање што се случило во Сараево. Сепак, за српскиот портал „Нова.рс“, Буба Корели проговорил и демантирал сè.
Неговата изјава во врска со пукањето ви ја пренесуваме во целост:
„По повод денешниот инцидент што се случи, моето име беше споменато во некои медиуми. Се најдов на погрешно место во погрешно време и во никој случај не сум поврзан со тој настан што се случи денес“, вели Буба Корели.
Да потсетиме, дека денес одекна веста дека Омар, братучед на славниот рапер, кој во тоа време бил со него, бил ранет во пукање во градот Сараево.
Претходно за „Аваз“ беше потврдено од сараевската полиција дека инцидентот се случил околу 16:30 часот, а полицијата пронашла две повредени лица.
Исто така, едно лице е приведено на местото на настанот. Засега е непознато дали тој е сведок на овој немил настан или актер во нападот.
Порталот „Аваз“ дојде до видео кое прикажува драматични сцени на кои сведочат граѓаните.