Продлабочувањето на демографската криза во Бугарија и повисоките плати во приватниот сектор се причина за недостигот на кадри во армијата, јавува БТА.
Од бугарското министерство за одбрана за таа агенција велат дека во текот на 2022 година и почетокот на 2023 година се објавени вкупно 29 слободни работни места за 1.984 позиции, а од нив досега се пополнети 698.
Во тек се конкурси за уште 732 слободни места, било наведено како одговор на прашањето за причините за зголемениот недостиг на персонал во бугарската армија и можните решенија за тоа, пренесува РТВ.рс.
Како главна причина била наведена демографската криза во Бугарија.
Досега се преземени низа мерки за решавање на проблемот со недостигот на вработени и создавање услови за поголема мотивираност на воениот персонал, а една од нив е зголемувањето на старосната граница за регрутирање на 40 години, соопшти министерството за одбрана на Бугарија.